Langkong Sae Ta’ Nanggung Malo

(ist)

DHALEM kabudhaja’an Madura, badha ca’-oca’an etembang pote mata, bali’ poteya tolang otaba sabaligga bali’ poteya tolang, etembang pote mata. Badha juga se ngoca’ bango’ poteya tolang, etembang pota mata otaba ango’an poteya tolang, etembang pote mata.

Arte torot teggessepon, oreng Madura bali’ loka’a alaban etembang odhi’ nanggung malo. Dhari ka’dhinto, badha jugan se ngarte’e, bali’ mateya acarok etembang odhi’ kalaban malo.

Dhalem gambar e attas atoles:

Benni Ken Bengal

Tapeh

Angok an ngepote tolang

Tem beng pote Matah

Manabi epateppa’ tolesanna daddi sapaneka:

Banne keng bangal

Tape

Ango’an ngapote tolang

Tembang pote mata

Manabi noro keccap se ngangguy /h/ dhalem pan-saponapan oca’. Maka daddina daddi paneka:

Banne keng bangal

Tapeh

Ango’an ngapoteh tolang

Tembang poteh matah

Nangeng, manabi egi’-gigi’ pole, rassana langkong sae manabi odhi’ kantos mate ta’ nanggung malo tor ta’ kantos mapote tolang. Carana, gi ajaga tor araksa pola tengka se sae.

Saka’dhinto pamanggi.

Mator sakalangkong. Salam Madura.

(Lukman Hakim AG)