Malem se adhante’ bulan
Coma ngombar saparo
Angen ban malem padha sossa
Saleng pandeng, tape ta’
saleng sapa
Bulan coma ngombar saparo
Padahal, pananggalan se egantong
E tabingnga ate
Noduwagi bulan
pornama ampon dhapa’
Tape, kanyata’an se badha e adha’na mata
Bulan coma ngombar saparo
Dhuh, bulan!
Ja’ sakenga badha bakto atanya
Kaangghuy daddi tambana ate se bingong
Ja’ sakenga sake’ ta’ sampe’ matase’ dhara
Ate ta’ sampe’ loka se
anganga
Tantona malem ta’ toju’
e babana ebbun
Sampe’ sonarra are ngombar
Kaangguy adhante’ saparona
bulan se elang
Songennep, 19 Agustus 2015
Epetthak dhari Jawa Pos Radar Madura eccaban Ahad, 23 Agustus 2015.
Tidak ada komentar:
Posting Komentar