Moh. Amin |
banteng akerek mekkar tanjung
marko’ andhaun memba
jerruk salone
mancong menca’ kadhungdhung
lemma’ manes pae’ maddu
bajang kole’ parsasat bulan pornama
ngabidi salam tor songkem
tamoy Sawal ale’ gantongan ate
ngoker bakor nongngep e attas korse
aleppet sottra e dhalem dhadha
se asalam kalaban ro’omma kembang malathe
solap ta’ nemmo sonar
cellep ta’ kaangenan
ngetter ta’ kalaban aguli
bacca ta’ amaen aeng
sowara edunggem e dhalem ate se mesem
ta’ kobasa namba’ rassa se aerrem neng taresna
jajan ngo-longowan padha terro kasamporna’an
cangker so lepe’ ngedhingngagi
se earep tadha’ rapet mala sajan serep
se atandhung ta’ duli elang kantos padha
tedhung
Gappora, 2006
(kim)
(kim)
Tidak ada komentar:
Posting Komentar