(ist.) |
BADHA
pole gambar se atoles basa Madura. Essena, kadi paneka:
lessoh
tak
terro apa’ rapa’ah
coma
terro ka bekna
ngarteh?
Manabi
etaletktegi, tolesan paneka acora’ etolesanna tan-taretan Madura Bara’ otaba
Songennep dha’ bara’. Sala settong tandha se bisa daddi tatengnger enggi paneka
badhana horop /h/ neng e aher oca’ /lessoh/,
/apa’ rapa’ah/, ban oca’ /ngarteh/.
Manabi
tan-taretan Songennep dha’ temor, bakal noles /lesso/, /apa’ rapa’a/, ban /ngarte/. Rengkessepon,
ta’ mabi horop /ha/. Nangeng, sae se mabi horop /h/ otaba bunten tanto bisaos
padha ta’ sala. Ta’ parlo saleng sala’agi.
Coma,
se parlo ekagali, cara panolesannepon. Menorot eja’an basa Madura se kappra
eangguy tor eajaragi e sakola’an ta’ kadi paneka. Manabi epateppa’ pole tolesan
dhalem gambar paneka daddina:
lessoh
ta’
terro apa’-rapa’ah
coma
terro ka ba’na
ngarteh?
Otaba:
lesso
ta’
terro apa’-rapa’a
coma
terro ka ba’na
ngarte?
Se
parlo ekagali, badhana pan-saponapan gambar atoles basa Madura nandha’agi basa
paneka noro’ kamajuwanna jaman. Banne basana oreng disa’an. Tape juga noro’agi
eangguy dhalem basana oreng (otamana dhat-ngodhadan) jaman modern.
Saka’dhinto
pamanggi. Mator sakalangkong. Salam Madura.
(Lukman
Hakim AG.)
Tidak ada komentar:
Posting Komentar