Du’a Malem Juma’at

Rifki Raya

Damar kambang e dhalem kamar
Nera’e malem se samar
Madhateng sokma-sokma
Dhari dhalem tana

Rebbana tajin gendar satalam,
Sapereng jajan genna’
Ebundu’ kalaban ayat-ayat
Agili ka ro’omma aeng kembang
Daddi komkoman, nyocceyagi badan

Mandara teptep ta’ loppa ka asalla
Mandara terros enga’ ka pangeranna

Bulan compet ka koburan
Mennyanna eobbar
Esonsonnagi ka paddu-padduna kamar,
Ka baba’anna baruma
Ngolok babaja se esebbut kalaban bismillah
Se esambat kalaban patteha.

Samoga daddiya paenga’na ka pate
Samoga badha jalan se pasthe.

Mate, tanto paggun paste.

Madura, 29 Agustus 2015