Senin, 17 Agustus 2015

Oreng Madura Ta’ Nyorot


(ist)

BADHA gambar atoles baca’an basa Madura. Essena kadi paneka:
Kaule asli oreng Madhure
Kasar Bunten
Alos Bunten Jhugen
E Yalosin Enggi Ende’
E Kasaren Tak Buruh
“Bengal Ka Pateh, Tako’ Ka Todus”


Menorot paramasastra Madura, tolesan paneka korang teppa’. Manabi epateppa’ menorot eja’a 1973 ollena kadi ka’dhinto:
Kaula asli oreng Madura
Kasar bunten
Alos bunten jugan
Ealose enggi endha’
Ekasare ta’ buru(h)
“Bangal Ka Pate(h), Tako’ Ka Todhus”

Oca’ /todhus/ rassana langkong sae manabi egante /malo/. Sabab, maske katon padha, artena oca’ /malo/ sareng /todhus/ paneka laen. Laen jugan angguyanna dhalem okara.

Oca’ /buru/ sareng oca’ /pate/ aponapa etoro’e /(h)/? Sabab, badha se ngoca’ /buru/ tor /pate/ se perengnganna “tadha’ /h/-na”. Keccap paneka monggu tan-ataretan Sumenep ka temorra. Manabi etambai panoteng (–a) pas daddi /buruwa/. Sabatara oca’ /pate/ manabi etoro’e panoteng (-na) daddi /patena/, sbl.

Nangeng, monggu tan-tarenan bagiyan bara’ (Mekkasan, Sampang, tor Bangkalan) noles /buruh/ sareng /pateh/. Tanto bisaos dhuwa’ pangocaban se bida paneka padha ta’ sala. Oca’ /buruh/ manabi etoro’e panoteng (-a) daddi /buruwah/. Sabataran oca’ /pateh/ manabi etoro’e panoteng (-na) daddi /patenah/, bsl.


Mator sakalangkong. Salam Madura.

(Lukman Hakim AG.)

Tidak ada komentar:

Posting Komentar

Guru Tolang

Carpan Irwan Effendi* E soro p are, Ali alan-jalan d h a’ bal a tatangga se ta’ jau d h ari romana. Nyambung silaturah im tor mae...