Labang Mesem: Rif’atul Hasana

Sanja'na Syaf Amir 

Saloros tojjuwan pajjar se bakal nyongkem dha’ atena dika

Naleka bulan pornama se samporna bakal agiba

Tera’ e amperra roma, aesse kerrong se badha e dhalem dhadha

Se lebar sakera mesemma dika dha’ bula

Jembar atena se tadha’ padha

Sanajjan aros omba’ se ngamba’ daddi lang-alang

Kaangguy bula alajar, tape ate paggun sabbar

Alebadi sakabbinna se ajajar sabab dika

Gantongan ate se ta’ kekker

Masjid Gemma, 2016 M

*)Santre Pondhuk Annuqayah Daerah Lubangsa. Jugan ajar e Komunitas Penyisir Sastra Iksabad (PERSI).

Sana’ e attas epetthek dhari Jawa Pos Radar Madura (JPRM) eccaban Ahad, 8 Mei 2016

Sasongkem Esto

Sanja'na Misnoto Arriefa*

bila ampon paste kaodhi’an

senneng kalaban songkem pangesto

abdi dha’ pangeran se majunge nagara

tor sagara se talebat socce

o, Guste

ponapa ampon dhapa’ ka baktona?

olar-olar disa,

se arampas kaodhi’an manossa

ponapa badhi abali?

Kaodhi’an se ancor ka dhalem kaodhi’an se saongguna

polana pejabat se ta’ apangrasa

o, Guste

tarema’agi sasongkem esto abdina

Saronggi, 26 April 2016

*)Santre e Pondhuk Nurul Islam, ajar e Sanggar Aksara ban Forum Intelektual Santri (FITRI).

Sana’ e attas epetthek dhari Jawa Pos Radar Madura (JPRM) eccaban Ahad, 8 Mei 2016

Mat Ecoco’ Dhuri

CARPAN MOH. TOYU*

ORENG ganeko paggun rerengen ta’ re-mare. Nyala’agi perreng se malang ban dhurina gaggar saromban. Sela gaggar saromban, jeng-manjeng e tengnga jalan. Sambi agusot sokona se ngalocor dhara, oreng ganeko acareta ja’ sokona se ecoco’ e padduna teggal se bannya’ dhadharra perreng, se ta’ ale’-pale’ sakale. Oreng ganeko acareta kalaban dhai se marongo’ ban makomo’ colo’na.

”Huh, empon, ma’ korang ajar bariya dhuri e padduna jalan garowa. Bula se entara ka Ma’na Tukina burung-burung bariya. Ja’ senga bisa, eja-kaja bula paggun ajalan. Tape bila cara neko, dharana laju ngalembak. Bula dibi’ gariming ngabas dharana,” komo’na acareta dhara se saongguna gun nyapcap.

Pan-barampan tatanggana dhateng. Polana oreng ganeko ekakabar ginjat. Ta’ bisa ajalan ecoco’ dhuri. Dharana ngalembak. Lobangnga raja. Ban careta-careta laen se etambai kalaban palappa-palappa se magarimingan reng-oreng. Saengga bannya’ oreng se dhateng kaangguy nyapot.

Badha se taker matoron so’onanna se aesse aeng. Badha se matoron palasa. Ambu aedder dagangan. Nyepper sakejja’ polana dhalem settong taneyan egaribbunge oreng bannya’. Badha oreng se nyaba’ pekolanna ban dhuwa’ renjingnga.

Sanja' Mudhar CH: Kottha Bacca, Dhakka, tor Baburugan

Kottha Bacca

kotthana bacca

kottha kene’ cope’ messom jalan lorongnga

sompek sowap panas angenna

najjan tadha’ pabrik

badha gun coma tahu tempe

desember tapongkor kotthana dehidrasi

inpus naccek e man-dhimman

kotthana bacca

mabacca kaos soko saragam sakola’an

abegga genteng kennengan ibada

parnata sosial nyellem amperra

salebbar dhalemma bacca keya

Pokpara Maen Lamaran

CARPAN MA LEO*

ROMANA Jufri se asalla seppe, sateya la padha ramme. Bannya’ oreng se ka bara’ ka temor, ta’ lake’ ta’ bine’ la padha emo’ kalaban kalakowanna. Molae ngeba jajan, makalowar nase’ ban juko’na, ngatore tamoy, tor laen-laenna. Rassana tadha’ se neng-ennengnga. Sabab, bakto gapaneka nyatana badha acara se talebat raja. Acara kabinan antarana Arman ban Surti.

Bakto pokol ballu’ kalowargana Jufri bakal entara alamar dha’ romana Surti. Sakabbinna pakakas se bakal egiba’a ampon eparanta. Lencak, lamari, korse, anten parabola ban tivina ta’ katinggalan se egiba’a. Jufri abasanna ta’ nyaman neng-enneng.

Ngator bala tatangga kaangguy bisa tartib egiba’a dha’ ka calon mantona. Tape karepotan tor kasennengngan bakto acara kabinan nyatana ta’ bisa erassa’agi sareng binena Jufri, Masriyah.

Mowana sarat ta’ nyonar. Nandha’agi aba’na andhi’ masala se langkong raja. Maskena tamaso’ ana’na dibi’ se bakal aparlowa, tape teptep ta’ bisa notope dha’ ka masalana. Kadhang, dharina ta’ kabuwa’ nanggung masalana, Masriyah temmo maelang. Ondhur dhari pangabasanna oreng bannya’. Bakto ta’ abit, Masriyah dhateng dhalem kabadha’an ropa se badha karena gilina aeng mata. Sonarra tagerus bi’ masalana se langkong raja.

Sanja’na Mudhar CH: Kottha Bacca, Dhakka, ban Baburugan

Kottha Bacca

kotthana bacca

kottha kene’ cope’ messom jalan lorongnga

sompek sowap panas angenna

najjan tadha’ pabrik

badha gun coma tahu tempe

desember tapongkor kotthana dehidrasi

inpus naccek e man-dhimman

kotthana bacca

mabacca kaos soko saragam sakola’an

abegga genteng kennengan ibada

parnata sosial nyellem amperra

salebbar dhalemma bacca keya

maempon aorta

Pokpara Maen Lamaran

CARPAN MA LEO*

ROMANA Jufri se asalla seppe, sateya la padha ramme. Bannya’ oreng se ka bara’ ka temor, ta’ lake’ ta’ bine’ la padha emo’ kalaban kalakowanna. Molae ngeba jajan, makalowar nase’ ban juko’na, ngatore tamoy, tor laen-laenna. Rassana tadha’ se neng-ennengnga. Sabab, bakto gapaneka nyatana badha acara se talebat raja. Acara kabinan antarana Arman ban Surti.

Bakto pokol ballu’ kalowargana Jufri bakal entara alamar dha’ romana Surti. Sakabbinna pakakas se bakal egiba’a ampon eparanta. Lencak, lamari, korse, anten parabola ban tivina ta’ katinggalan se egiba’a. Jufri abasanna ta’ nyaman neng-enneng.

Ngator bala tatangga kaangguy bisa tartib egiba’a dha’ ka calon mantona. Tape karepotan tor kasennengngan bakto acara kabinan nyatana ta’ bisa erassa’agi sareng binena Jufri, Masriyah.

Mowana sarat ta’ nyonar. Nandha’agi aba’na andhi’ masala se langkong raja. Maskena tamaso’ ana’na dibi’ se bakal aparlowa, tape teptep ta’ bisa notope dha’ ka masalana. Kadhang, dharina ta’ kabuwa’ nanggung masalana, Masriyah temmo maelang. Ondhur dhari pangabasanna oreng bannya’. Bakto ta’ abit, Masriyah dhateng dhalem kabadha’an ropa se badha karena gilina aeng mata. Sonarra tagerus bi’ masalana se langkong raja.