 |
| Budi Santoso* |
Obur dhalem dhadha epeyara’a sampe’ kobur
Kalaban tadha’na kernengan e kanthong
Ngoteppa,
Maske etondhung lopot
Nebbaga,
Maske ecale sala
Lailahaillallahmuhammadarrosulullah
Balarak kolare tarebung manyang
Ta’ te-mangarteya kalaban badhana coba
Eteggu’a e tanang se kacer
Ebuwanga e tanang se kangan
Maantengnga pangaterro se esajja dhalem ate
Epasekkenna kalaban jira’ malathe sato’or
Maske pal-tapelpal rassana adikdak
Ta’ maberuya neyat se ampon kalonta dhalem sokma
Eduwa’ana kalaban agama
Ma’ olle coba nabuy tor armos e penggir jalan.
Slopeng, 11 Februari 2013
*)Oneng ajar e STKIP
PGRI Sumenep. Ngajar e MTs Mambaul Ulum Jaba'an, Mandhing, Sumenep
(Sanja' e attas epetthek dhari Jawa Pos Radar Madura eccaban Satto, 8 Agustus 2015)
Tidak ada komentar:
Posting Komentar