 |
| Faidlatul Jannah |
Kul-kacekul
Angen barat dhateng ngolgul
Kaleng busbus la ngoter abuh
Bala’ taon celleng agalantong
Neng e langnge’
Aorak langnge’ bume athowat
Ta’ kowat nanggung ma’seyat
Manossa la ta’ enga’ mongging
Manossa la ta’ tao bates tabun
Manossa saleng rebbu’ dunnya
Manossa saleng cerre’ parjaji
Reng kene’ etedda’ tabu’na
Reng kene’ etaposen abuh
Reng kene’ eperres pathena
Reng kene’ sajan kernit
Kobasa ngakak padha ban buta
Ngenom dharana ra’yat
Langnge’ ronto keyamat dhateng
Tandhana dajjal e adha’na mata
Langnge’ egulung dhalem etongan bakto
Aorak langnge’ ronto
Jareya kembang cong-laconga keyamat
Epetthek dhari Jawa Pos Radar Madura eccaban Ahad, 30 Agustus 2015.
Tidak ada komentar:
Posting Komentar