Anggidan Rifky Raya
Duli osap, aeng mata se agili
Dhari robana dika se nalpe’ ka dhadha
Dika ta’ usa sossa ban seddhi
Sabab, bula paggun abali ngagali janji
Maske, dika ban bula jau
Tape rassa paggun semma’
Nyettong metong bakto
Dhalem settong kerrong se ekarekong
Duli osap, aeng mata se agili
Dhari socana dika se benning
Coma settong pangarep se raja
Dika ban bula padha-padha ngantos
Sampe’ janji daddi tekka
Sampe’ aeng mata daddi
tandhana bunga
Madura, 2015
Sanja' eattas epetthek dhari Jawa
Pos Radar Madura eccaban Ahad, 25 Oktober
2015.