 |
| A. Rahem Umar |
Naleka bulan pornama samporna
Ate tera’ jumambar akalong taresna
Tadha’ rekka’ bau dhara bula ban dika
Tape sokma se acangrep dha’ settong bunga
Lan-jalanan bakto sorop
are
Mangrib e sakojur badan akadi bacca dhaun malathe
Dika mesem e penggirra ate
Bula tasarondut ta’ mare-mare
Abantal robana dika seyang ban malem
Alama’ janji sello’ se asampogel e garigi’
Epergemma tangessa
Ekalodhu’a aeng matana
Marga ate jumantrong, paddhang ka bengko ban robana
Ropa se raddin lembay meltas manjalin
Neter kolenang mella’ ta’ mare
Maddha ngejung, Ale’, ja’ patanggung
Nganggi’ dadikker dha’ se Maha Agung
Pola badha esto se kakonjung
Ngonjuggagi du’a se ta’ apajung
(kim)
Sanja' e attas epetthek dhari Jawa Pos Radar Madura eccaban Ahad, 2 Agustus 2015.
Tidak ada komentar:
Posting Komentar