SONGSONGAN – Polowan mored tor santre
akompol e Kebbun Assalam, Disa Prancak, Songsongan Ahad (9/8). Mored tor santre
paneka dhateng dhalem Kompolan Ahad Kalebunan. Kompolan Masyarakat Seni
Pesantren (MSP) paneka elampa’agi sabban bulan sakeleyan.
Homaidi, sala settong banga seppona kompolan
notorragi, bannya’ gunana dhateng ke papanggiyan paneka. Mored tor santre areng-sareng
ajar teater, maca tor noles sanja'. Salaen paneka, agi’-gigi’ masalah kabudhaja’a.
Otamana kabudhaja’an Madura.
”Sabban bulan le-ngalle. Ca-kanca bisa apentas, maca puisi, amusik, tor ararembag kaangguy nambai
pangaonengan,” oca’na.
Papanggiyan e Prancak arembak kalaban
tema “Satra menangka settong cara kaangguy alaban politik tor kakowasa’an”. Aba’na
ngarep, kompolan paneka terros kalampan. ”Palang bunten ca-kanca bisa
asilaturahmi, salaen elmo se bakal ekaolle,” ca’epon Homaidi. (kim)
 | ||||||
| Sala settong santre maca sanja' e Kompolan Ahad Kalebunan MSP e Kabbun Assalam Prancak, Songsongan (Foto Agus Gepeng) |
 | ||||||
| Angguta kompolan e Kebbun Assalam Prancak, Songsongan (foto Agus Gepeng) |
 | ||
| Mahendara maca sanja' e kompolan ahad kalebunan MSP (foto Agus Gepeng) |
 |
| Santre amaen musik e kompolan ahad kalebunan MSP (foto Agus Gepeng) |
Tidak ada komentar:
Posting Komentar