Kamis, 13 April 2017

Sanja'na Nurul Saifa Abdillah



E Bakto Taresna

E bakto malem sambi mesem
Bula mekker dika, Le’
Dhari petengka’na, palambayya, ban gulina bulu keja’na
Dika se ngombar e adha’na mata
Akantha sonarra bulan

Dika se raddin
Se earep sabban bakto
Dhalem pettengnga malem e reba’anna ondhem
Bula ta’ ngeddha tedhung

Angen asemmo cellep
Ngalesser madhapa’ taresna
Amarga pamesemma
Bula terro atemmua

Songennep, 27 Pebruari 2017

Razak



Carpan Hasmidi

ORENG laen pola ta’ bisa ngadhebbi kabadha’an reya kalaban loddhang. Ta’ ngerrep pan-apan se bisa mabintel ate. Mapeggel aba’na dibi’. Sabannya’na oreng ta’ kera teggel mon gun odhi’ kadibi’an saellana mare akabin. Apapole etambai ana’ dhadhuwa’. Ne’-kene’. Padha ekapolong.
Dhalem pekker, paleng gun ta’ aradda’, apesa kalaban gantonganna ate. Banne sakeng etellak, tape sakeng ta’ akorra reng bine’ se ekabin kalaban Razak bakto Tellasan Reyaja kalaban reng towa bine’na. Bakto jareya atokar raja, masala kene’ sampe’ ta’ bisa nyegga rarengganna atena bang-sebang.
Banne gun akantha pate’ ban koceng. Lebbi dhari jareya. Areya polana manto ban mattowana. Sakeng ban oreng laen pola ema’bu. Tadha’ urusanna ban pokeddanna atena Razak.
Ekapojur Razak olle babine’ se bisa neser ka aba’na. Se bakal ngarabat budhi arena. Oreng lake’ se ta’ dhiksa jareya ta’ bisa ajalan kalaban samporna. Gi’ kene’ reng towana tao ngeba Razak atamba ka Masake’ Mekkasan. Enja’ ta’ etemmo panyaket apa, sokona se kacer etemmo poro saenggana sampe’ sateya ta’ bisa ngonjur.

Guru Tolang

Carpan Irwan Effendi* E soro p are, Ali alan-jalan d h a’ bal a tatangga se ta’ jau d h ari romana. Nyambung silaturah im tor mae...