Aeng Udu’
pajjar ampon ngombar
nandha’agi dha’ jagana mahlok
kaangguy mondhut aeng udu’
se matera’, matarbuka ate
capcappa adaddiyagi
malaekat
se bakal nyakse’e tengkana mahlok
Tarate, 2016
Janji Socce
e malam nonto bula asompa
asakse dunnya ban essena
saongguna bula kadhung taresna dha’ dika
taresna bula ta’ bisa ebitong
kantha bintang e langnge’ petteng
malam nonto, gun dika pangarep
sadaja taresnana bula,
coma dika se terros agumantong
dhalem ate
terrona bula, dika jugan sabaligga
kaangguy nata tor abangon
karaton sowarga neng atena
bula
Tarate, 2016
Nyatana Gun Mempe
e bujella malam se seppe
tadha’ tamoy, tadha’ lake
se badha lencak ban korse
namong cora’na ate ramme
asabab badha se mampo ngesse’e
robana, ropana se sae
mampo masenneng ate
bila bula enga’ dha’ mesem balibissa
mekkere bai bula ta’ kowasa
nape pole tekka tatemmo bareng dika
ngonjal bula dhari babitongan careta
careta pandha’ menangka dika
se ampon soddi naburi taresna
alenga’ ka kangan ban ka kacer
nyatana gun mempe se ta’ paste ban pasthe
Songennep, 2016
 |
| (Foto: Lukman Hakim AG.) |
USWATUN
SYARIFAH, ajar e STITA Sumenep. Salaen
paneka juga ajar e Langgar Oretan (Laor), Lembaga Santri Aktif (LSA) Candra, tor UKM
Komunitas PELAR. Sanja’ e
attas epetthek dhari Jawa Pos Radar
Madura (JPRM) eccaban Ahad, 10 April
2016.
Tidak ada komentar:
Posting Komentar