Babine’ Ojan

ojan se gaggar gan settong

maramme genteng ban taneyan lanjang

e lowar

oreng lebat neng babana rembessa

kan comara, dhaunna agantong

aeng

reng bine’ nenteng bakto neng tanang kangan

ta’ nemmo pajung jalanna

atengka’

dhimma reng bine’ toju’?

kodhungnga terrossan pote tolang

elang sakeddebban

noro’ bunte’ ojan

ta’ gaggar dhalem bitongan settong

taneyan becca

ojan nyerrep ka ramo’na comara.

pekkeran bacca

enga’ dha’ babine’ se mengo

abassa

robana ekabar dhalem careta

Songennep, 02/03/2016

HASMIDI, guru e SMAN 1 Bluto tor ajar e LKSB Pangestoh Net_Think Community Sumenep.

Sanja’ e attas epetthek dhari Jawa Pos Radar Madura (JPRM) eccaban Ahad, 17 April 2016