Becce’an Pote Tolang Katembang Pote Mata

Anggidannepon Hesbullah Majnun

maske kerre’ jemmor guring kasennengngan bula
dika ja’ aorak tretan
neko karak kak-krakkak kembuli
bula enga’ dhadhabunna buju’

cong, bula soka’ nase’ jemmor guring
tape todhus lamon acarok sabangsa’an
abecce’an pote tolang katembang pote mata
parsemmon neko menangka sanjata
naleka Balanda kobasa

are’ neko se toman are’re’
le’erra rus-burus
se pa’-larpa’an e loji
akarep re-kare rotena Balanda

cong, bula soka nase’ jemmor guring
tape todhus lamon acarok sabangsa’an

teggal kajal se abit edina
sanonto pon akanca aeng
amarga pottra ebu padha palebara