Lukman Hakim AG.
Foto Lampu, se aesse tolesan:
A Jemo Olor Eberik Maddu
Sepeda Motor Wajib Ngodi’i
Lampu
Manabi esalen ka basa Indonesia korang lebbi daddi:
Berjamu otot punggung diberi
madu
Sepeda motor wajib
menyalakan lampu
Manabi epateppa’ daddi:
Ajamo olor eberri’ maddu
Sapedha motor wajib ngodhi’i
lampu
Ngereng talektegi bidana:
(1)
Oca’ /a jemu/ e baris se kabidan koduna etoles /ajamo/.
Oca’ /ajamo/ dhari oca’ /jamo/ se ngaolle ter-ater /a-/, agandhu’ arte
parappa’na ngenom jamo. Oca’ /jamo/ ebaca /jemu/.
(2)
Oca’ /eberik/ e baris se kabidan koduna etoles /eberri’/.
Akadi se ampon ejarba’agi e attas, tandha /’/ sareng /k/ dhalem basa Madura
paneka bida kaguna’anna. Angguyanna ta’ bisa eporop. Misalla, oca’ /pa’a’/ ta’
bisa etoles /pakak/ kalaban agente’e tanda /’/ daddi /k/. Salaen paneka, oca’
/to’ot/ ta’ bisa etoles /tokot/, /ta’al/ ta’ bisa etoles /takal/. Oca’ /eberri’/
asalla dhari oca’ /berri’/ pas ngaolla ter-ater /e-/. Daddi, kodu ngangguy /r/
dhadhuwa’, pas daddi /eberri’/.
(3)
Oca’ /sepeda/ e baris se kapeng dhuwa’ koduna etoles /sapedha/.
Oca’ /sepeda/ paneka basa Indonesia. Bidana, salastarena /s/ tor /d/. Samarena /s/
koduna aguna’agi /a/ ban /h/ salastarena /d/. Monyena /d/ dhalem basa
Madura badha empa’ kalaban dhuwa’ carana noles. Rengkessepon, /d/ se manabi
eoca’agi konco’na jila akadi ekekke’ gigi adha’, maka etoles ta’ mabi /h/ otaba
paggun /d/ malolo. Sabatara, manabi ngoca’agi /d/ kalaban cara koncona jila
buru ka bagiyan attassa colo’, maka etoles kalaban etoro’e /h/, daddi /dh/.
Contowepon, oca’ /seda/ se ekoca’agi kalaban konco’na jila ekekke’ gigi’ adha’
gadhuwan arte /mate/. Sabatara /sedha/ se ekoca’agi kalaban cara konco’na jila
buru ka attas agandhu’ arte /ba’na/. Salaen paneka /dara/ se ama’na nyamana
mano’ sareng /dhara/ se ama’na barang akadi aeng se agili e badanna mahlok.
(4)
Oca’ /ngodi’i/ koduna etoles /ngodhi’i/. Jajarba’anna
panolesan /d/ akadi e nomer (3).
Tidak ada komentar:
Posting Komentar