Anggidannepon Moh. Toyu
Kakapper ro’om ka du-padduna dhapor
Nyaba’ parebasan e ban-sabban parabudan
E tong-lantong akerbayan
Ngabber morka’ langnge’
Nyambi kabar ro’om
Se meltas dhari un-dhaun panengga’an
Tanongker celleng, salemot dhuri
Ata’-letta’ egalicek
Gaggar ka ramo’ pandhan
Ecapcabi cabbi
Ngalocor aeng kastana
Diyem kalaban tanges, mata maddem
Alekker daddi tanongker, aoser daddi kakapper
Se ro’om ka du-padduna palemper
Madura, 1430
Tidak ada komentar:
Posting Komentar