Sanja’na Moh. Waritsy Aprilian Hidayat

Sake’ Ate

Saporana dhu, Ale’

Ate bula ampon sake’

Arassa enga’ se e congke’

Karana dika se masake’

Ajalan ban reng lake’

Janjina dika sampe’ mate

Nyatana dika laen ate

Bula posang sabban are

asaloy masettong dhalem ate

Odhi’ rassa ta’ nyaman

Eocola keng gi’ eman

Ajalana keng tako’ ta’ aman

Sake’na ate tako’ taulang.

......................

Naseb Aba’

Aba’ palang,

Ate posang,

Dika maelang,

Odhi’ rassa badha se korang

Pekkeran kose ngalengsang

Sabban are lako taelang

Arassa aba’ katon tasangsang

Ate bula bi’ dika katon pon gersang

Rassa sayang sanonto ampon elang.

..........................

Lamaran Burung

Janji-janji,

Mempe-mempe,

Tor areppan

Sanonto pon elang

Ta’ kowasa se alanglang

Lantaran dika pon maelang

Pangarana…

Terronaa…

Dika elamarra

Epenta’a ka reng towana

Ekapolonga saomorra

Dhari odhi’ sampe’ matena.

.......................

Nemor Sossa

Tana kerreng

Aeng pon asat

Are ngacettar

Tadha’ ojan tadha’ ondhem

Oreng-oreng kabbi sossa

Nyare kaodhi’an ampon sakarat

Lantaranna nemor talebat lanjang.

Epetthek dhari: Puisi Madura Moh. Waritsy Aprilian Hidayat