SAKERA
Malem juma’at tanggal petto’
Bula arassa tako’
Ngabas reng-oreng robbu malekko’
Ecocco memes balanda se
arako’
Dhara nompa
Magili aeng mata
Badha settong oreng soga’
E kangan nyonjung sadha’
Mata ladding dhadha soga’
E kacer nyaba e pergem
Dhadha bula
ngasemsem
Sadha’ eangka’
Sambi ngoca’
”Sengkok Sakera”
Annuqayah, 30/09/17
..................................
ODHI’
I/
Odhi’ nyangsara
Ta’ lopot dhari sala
Ta’ nyengla dhari dusa
Aba’ sompek sossa
Nyo’on tobat ka Se Kobasa
II/
Odhi’ bunga
Bendher guli tengka
Tenggi elmo ro’om nyama
Aba’ senneng lako mesem
Bajeng asokkor seyang malem
Annuqayah, 30/09/17
................................
DHARA MADURA
Mano’ ngabber
Tarebung alembay ka bara’ ka temor
magaggar dhaun dhadhar
E baba, bula toju’ asela, pasra
Ta’ mardhuli odhi’ sossa
Sabab bula ampon namen sompa
Sompa sadhalemma ate
Madura dharana bula sampe’ mate
Annuqayah, 02/10/17
......................
ATE GENDHINGAN
Ta’..Genta;..Ta’...Dung
Tabbuwan-tabbuwan amonye
Kejungan ampon ekanyanye
Dika nangdang nedda’ lokana ate
Ta’...Genta’..Ta’..Dung
Pesse epatabar, ejangngo kalaban dika
Ate ejuluwagi, etandu’ kalaban dika
Dhu, sake’na
Bula neko padhana kalenangan
Maske epokol bi’ dika
Bula paggun amonye se kobassa
Annuqayah, 01/10/17
...................
Epetthak dhari Jawa Pos Radar Madura (JPRM) eccaban Ahad, 15 Oktober 2017
Tidak ada komentar:
Posting Komentar