Dhapa’
Qo’idah kapeng petto’
se emaos towan guru
Ampon
dhapa’ dha’ jaman se salbut onggu
Oreng-oreng
akaton lajangan
Ekebbat
angen lomok dhari atoran
Lebbi
senneng noro’e oca’na setan
Jalan
tor ajaganna epadaddi lalampan
Dhu,
kastaba ce’ ekarassana
Reng
seppo ngarabat dhari kene’na
Bila
pon raja pottrana ce’ morsalla
Senga’ senga’ senga’ senga’
Towan
guru apareng parengeddan
Saamponna
sobbu reng seppona adinggal
Songennep, 2017
.............................
Repot
Repot
onggu jaman sanonto
Bila
ojan menta panas
Bila
panas menta ojan
Se
misken menta pasogi
Bila
pon sogi aherra loppa
Loppa
ka asalla
Loppa
ka kancana
Loppa
ka sadajana
Nangeng
oreng loppa ban pamaloppa
Sanonto
malarat bida’anna
Akadi
paraban tor randha
Manes
tape make’dhadha.
Songennep, 2017
...................
Hajjiyan
Sabban
taon bannya’ oreng entar ka Mekka
Kaangguy
ahajji tor aumroh
Sabban
bulan bannya’ oreng entar ka Madinah
Kaangguy
adu’a neng e pasareyanepon rasulullah
Tape
saamponna abali ka Indonesia
Rassaepon
sakone’ se katarema
Sabab
atena loppa ta’ ebakta
Otaba
neyattepon se pajat sala.
Songennep, 2017
*)Mahasiswa
STIT Aqidah Usymuni (STITA) Sumenep.
Epetthek dhari: Sanja’ Baiq Camazy
Tidak ada komentar:
Posting Komentar