E Bakto se Lan-jalanan
Jang-lajangan se epandeng ban dika
Ngabber samarena nemor kasta
Sadaja langnge’ berse dhari ondhem se atampe
Ban tera’na mata are se dhang-burdhang e babana
jate
Agambaragi dha’ jalanna dika se korang paste
Posang rassana e adha’na mata
Kalaban rassana kerrong se lako nyeksa
Reguler. 2017
...........................
Nemor se Laggu
E temorra
laggu se ra’-tera’ koneng
Aba’ toju’ dha’ sossana bato se tenggi
Ngabasagi gulina are se ta’ gellem mare
E burdangnga dhadhaunan se aguli
Solap rassana
Mapaddhang tolangnga lalang se li-guliyan
Eserrop angen
agaja’an
Sadaja mano’ nyergu’ dha’
aeng ebbun
Aca’-lonca’ e bakto se
bun-rabun
Penjara Suci, 2071
......................
Jalanna Kasta
Dhari competta mata are
se mesem
Angen ngeba ondhem se petteng
Ka’-bungka’an aguliyan
Ngajak mano’ amonyeyan
Rassana pekker pon ta’ nyaman
Nalekana malem ampon ngacernang
Napapole bulan ngowasae
Dha’ bungana dika se ta’ mare
Ojan malem notop ate
Kaangguy majau dha’ panassa are
Regular,
2017
.................................
Kare Neser
Aba’ ajalan dhari lampetta seyang ban malem
Rassana loka nyalembu ta’ epareng
Laggu se ra’-tera’
Arassa bureng ta’ bisa mella’
Jalanna bula akantha angen
Se maalerler dha’ aeng se berneng
Reguler, 2017
.........................
Epetthak dhari Jawa Pos Radar Madura (JPRM) eccaban Ahad, 22 Oktober 2017
Tidak ada komentar:
Posting Komentar