Odee Khan
Naleka malam alambay akerbay
Seyang akopa’ apokpak!Ngabidi paradhaban jaman se langkong morang
Langkong jugan manabi epasae
Ngangodhadan nyoppre tongga’ arebban
Bangaseppo dhimen se ampon gadhuwan udzur
Tontonagi pateppa’agi, pasaeyagi, pasamporna’agi
Ahlak tor tatakrama se buru ka budhi
Malengos dhari jalan adha’
Bila pon teppa’ ahlak bagus tatakrama
Bagus dha’ masyarakat
Langkong nolong nagara dhari balai se aba-coba
Ta’ osa kobater korupsi
Ta’ parlo ketter obang elep-selleppagi
Badhana marogi
Matekkor obangnga kocor sareng tangguli
Ngangodhadan nyoppre tongga’ arebban
Bangaseppo dhimen se ampon gadhuwan udzur
Tontonagi pateppa’agi, pasaeyagi, pasamporna’agi
Ahlak tor tatakrama se buru ka budhi
Malengos dhari jalan adha’
Bila pon teppa’ ahlak bagus tatakrama
Bagus dha’ masyarakat
Langkong nolong nagara dhari balai se aba-coba
Ta’ osa kobater korupsi
Ta’ parlo ketter obang elep-selleppagi
Badhana marogi
Matekkor obangnga kocor sareng tangguli
Jamanna se rosak napa manossana se
langkong acak-calokcak
Kajuwan epoger, alas e-tebbang gundul tadha’ obu’na
Tase’ lekko eracone sarpa ka bato-bato
Se nyempen juta’an pangarep na’ poto
Ta’ osa heran pole
Musiba ondur-dhateng
Ta’ kennal mosem nembara’ jugan mosem panemor
Lendhu, sunami, longsor, ban samacemma
Menangka tandha bendhuna alam
Bendhuna Pangeran
Ujiyan napa keng babales panggibat tanang-tanang se langkong nyangkolange dha’ elmona
Ngereng giba mereng
Ngereng giba napang
Nangkel dhai ker-pekkeran
Ta’ cokop ker-pekkeran saos, kodhu epekker kalaban kapoteyanna ate se ta’ eyarbessi beddhi paser
Kajuwan epoger, alas e-tebbang gundul tadha’ obu’na
Tase’ lekko eracone sarpa ka bato-bato
Se nyempen juta’an pangarep na’ poto
Ta’ osa heran pole
Musiba ondur-dhateng
Ta’ kennal mosem nembara’ jugan mosem panemor
Lendhu, sunami, longsor, ban samacemma
Menangka tandha bendhuna alam
Bendhuna Pangeran
Ujiyan napa keng babales panggibat tanang-tanang se langkong nyangkolange dha’ elmona
Ngereng giba mereng
Ngereng giba napang
Nangkel dhai ker-pekkeran
Ta’ cokop ker-pekkeran saos, kodhu epekker kalaban kapoteyanna ate se ta’ eyarbessi beddhi paser
Angko ban onggu talebat pengko
Dalil-dalil Qur’an acaeran apencaran
Banne ta’ ngagali
Sama sakale ta’ marduli
Pera’ katon ta’ ebuwang dha’ tompo’anna sarpa
Dalil-dalil Qur’an acaeran apencaran
Banne ta’ ngagali
Sama sakale ta’ marduli
Pera’ katon ta’ ebuwang dha’ tompo’anna sarpa
Ngangodhadan arebban bangsa
Tongga’ maju tor nyoroddha nagara badha e soko ban garigi’na
Tongga’ maju tor nyoroddha nagara badha e soko ban garigi’na
Kaandhi’ elmona
Oba nagara dhari “berkembang ka maju”
Ma’ ta’ pera’ neddha kembangnga tape ta’ arassae dha’ manes buwana
Oba nagara dhari “berkembang ka maju”
Ma’ ta’ pera’ neddha kembangnga tape ta’ arassae dha’ manes buwana
Ngangodhadan arebban bangsa
Maju!
Maju!
2015
Tidak ada komentar:
Posting Komentar