Kadi ponapa’a kene’na tanto lakar aganggu ka lalakon. Akadi bato’ sala settongnga. Bannya’ oreng nganggep bato’ paneka sala settong panyake’ dhammang. Nangeng, manabi ta’ duli enyareyagi tamba tantona abak abit se
barasa.
Napa pole manabi pas bato’ ganeka asella kalesma. Sajan ta’ daddi se alalakona. Nangeng, badha pan-saponapan
cara dat-adadan kaangguy nambai. Sabab,
panyake’
ganeka manabi ta’ duli etambai kadhang kantos kalowar dhara bila ampon abit talebat.
Maske sabagiyan oreng badha se ngenthengagi, ja’ kantos dina otaba ja’ torot mana. Artena
kadhang pas etoro’ saambuna dibi’. Sabab salaen getel e gerrungan, dhadha seksek, gibana pas lengleng. Pas
berra’ ka
badan.
Mela dhari gapaneka molae samangken bato` ta` kenneng enthengagi.
Manabi bato` edina bisa ngorange dha` lakona badan se samastena ejalane akadi
se ampon kajalan. Bi-lebbi se biyasana gun coma abato` biyasa, karana etorot
mana pas akerrak kenthel tor kadhang pas ngonca` dhara. Ja` kongse sampe` pakadi
paneka.
Kangguy nyegga hal-hal se ta’ ekaterrowe, ngereng rabat kalaban cara pagaran.
Salaen argana modha (napa pole gadhuwan dibi’), tantona lebbi’ tadha’ camporan barang kimia. Saongguna, mon masalah bat-obadan, monggu oreng Madura ce’ gampangnga.
Ampon dhari se kona eajari
lebur men-tamennan e gar-pagar. Bannya’
gunana men-tamennan pagaran monggu dha’ na’ poto. Umummepon tamennan
paneka apeguna daddi ngan-gangan akadi morunggi.
Salen dhari gapaneka badha se apeguna daddi tatamba. Akadi sese,
jerruk porot, baluntas, balimbing bulu tor en-laenna. Sapaneka se pas ekoca’ jamo pagaran.
Abali dha’ ka masala bato’. Badha carana kaangguy
nambai panyake’ paneka. Enggi paneka kalaban kembangnga balimbing bulu. Kembangnga balimbing bulu
sacokobba, aeng berse, gula paser.
Caraepon:
1.
Pondhut kembangnga balimbing se
ampon esadhiya’agi;
2.
Bacco ban socce’e;
3.
Kella kalaban aeng sacokkobba kantos ngalkal;
4.
Saamponna aengnga aoba abak
mera, sareng kembangnga balimbing kasebbut;
5.
Campor kalaban gula paser (langkong sae manabi badha gula bato).
6.
Galuy kantos rata sambi pacellep;
7.
Gha’ar padaddi nom-enoman.
Salaen dhari cara gapaneka, badha cara laen kaangguy nambai bato’. Enggi paneka kalaban
nyampor accem, aeng tor gula tarebung.
Caraepon kadi ka`dhinto:
1.
Pondhut buwana accem tello’ kantos pa’-empa’, buwang kole`na;
2.
Kella’ kalaban aeng ngakorragi
bannya’na
accem se ekella;
3.
Saamponna ngalkal, gula
tarebungnga cabbur;
4.
Bila pon gula tarebungnga ancor
asella aeng pas bata’,
5.
Aeng accem campor gula ganeka pacellep
6.
Bila ampon cellep pas kengeng dha’ar.
Se keng-bingkeng enggi paneka kalaban cara adha’ar camporra jerruk porot
sareng kecap. Caraepon, mondhut kecap sasendhu’ tor saeres jerruk porot. Jerruk porot kasebbut
pas perressagi ka kecappepon. Saamponna acampor pas dha’ar. Insya Allah, kalaban usaha tor du’a dha’ Ka Se Kobasa palar mandar daddiya bukona tamba. (kim)
Tidak ada komentar:
Posting Komentar