Odee Khan
Na’-kana’ nganggit okara bato lesan
Kacobung temmes ales ngaremmes
E tengnga saba mecca tabun
Nangkel are
Lajangan mecca raga
Aorak akoba’ akebba’
Sennar mera macaltong tapalga’
Onggu
E ponca temorra Nyabakan se kasebut Dhuko
Tana mera calcal ekaes to-bato
Lorong-lorong ngerenge du’a
Keban-tombuwan salang sambidi maca amin..
Amin Nyabakan
Amin Dhuko
Amin ngangodhadan
Amin bangaseppo
Amin tes-batessa lesan nganggit okara kasampornaan
E penggir bara’ lao’na
Asta agirik bangaseppona Dhuko
Ke Nursiri, Ke Gadding, Ke Gandha
Menorot dungngeng dhimen saktena kalonta sampe’ maketter tantarana Balanda
Asta Padhaleman asmana
Pasareyanna bangaseppo dhimen
Duko, nyeor akoba’ akerbay
Jenorra biru panjalin
Akoba’ ngolok bangsa lowar garidhu bulan se tabingkeng
Sampe’ sabellas pornama tapalga’
Ca’epon bu-ebu
Tapengkot tongar sape
Dhuko, ja’ toles lampat dikdhagga soko abdina kalaban mangsen celleng
petteng
Nyabakan, 2015
(tolesan sareng gambar epondhut dhari Facebook)
Tidak ada komentar:
Posting Komentar