Labangnga Labang Saketheng

Odee Khan

Maddha ja’ pera’ manjeng
Mata’ pate magaringging

Dess,
Dika ta’ bakal ngataowe
Baramma dhalemma loka saamponna dika akoba’ pakkopak
Nyengseng mata are
Se nyengnge’ ngekke’ dha’ burabuwanna ate

Dess,
Maske sakejja’ badhana dika neng e kampong se anyama Duko
Namong lampadda possa’ sasaba
Possa’ sataneyan
Saamponna Sobbu dika nyoroy are
Agaluy agumbek nartar bume

Akantha sape se tapengkot
Ta’ andhi’ tengka guli
Ta’ andhi’ guli enneng
Somangat laju arasop arantep pajjar

Dess
Masegit neko Baitul Muttaqin nyamana
Ba’ enga’a dika?
Bun lao’na ajajar jeddhing
Ban malem tekko’ istikoma anyanye
Dhi temor kamarra dika sakanca’an
Ba’ enga’a dika?

Bun lao’na kamarra dika; sakanca’an
Ajajar saba
Tarebung ban nyeor alambay

Pamsemma mekkar malathe
Agembang nembang majajar biru potena langnge’
Bila ate tapangger
Katon posang ta’ ekagila

Nyabakan, 2015