Posang
Malem abarna seyang
Pekkeran ngalengsang
Ngakan arassa sa’ang
Aba’ arassa nyongsang
Tedhung aser-galuser
Asabab…
Angen se ngalesser
Akaton bauna dika se neser
Kodhung barna kalabu
Maelang pekkeran se bu-nyalabu
Matana morka’
Mata’busennan ka na’-kana’
Pamesemma maesse ate se ta’ genna’
.......................
Santre
Lapar ta’ kennal bakto
Re-saare apolong ban koto
Ajiyan ketab sabban are
Eseppowe sareng keyae
Sampe’ moncarra are
Sabban are entar ka asta
Sopaja budhi are ta’ kasta
Ja’ bakal ngaolle barokana
Ampon la biyasa…
Sossa senneng daddi kancana
.......................
Bungkana Kapo
Kaju tepes
Eobbar lekkas tompes
Tape…
Epokollagi ka kole’ mabisa nanges
Ejuwal makembung kantong se tepes
Epetthek dhari: Puisi Madura Taufiqurrahman
Tidak ada komentar:
Posting Komentar