Totta’an Dhara
Dhara ampon agimpo’
Reng-oreng padha ramme
Dhari oca’na se
saleng salko’
Ban pamesemma ca-kanca se nyambi ketter
Tako’ padha badha
Kobater dharana ecapo’ giba
E tengka’na bakto se terros ajalan
Abareng tengka’na soko
Panganja’ Pet Paol ampon eocol
Sakabbina mata noro’ bunte’ kebba’na lembang
Agaluy kokossa roko’ se padha ngebbul
Adhante’ bukka’na
korong se gi’ atotop
atompo’
Dhara ngabber padha asepsap
Kabbi posang ta’ tao adha’
Reng-oreng atharat, athowat, agettak, akopa’,
kakabbi enger asalebbutan.
Lancaran,
2017
....................
Pangarep
Se jau mandaran abaliya
Se semma’ mandaran perna’a
Mandar badha’a karena
nemor
Terro ngocola jang-lajangan
Mandaran badha’a karena omor
Terro matekka’a bur-leburan
Se ajalan ja’-gaja’an
Matoro’ dalima dha’ salembar dhauna nangka
Terro aba’ estowa dha’ dika
Angeng paste ta’ gellem nyata
Rop-Sorop are, 2017
Tidak ada komentar:
Posting Komentar