Nemor Kara
Nemor kara
Agaluy
nespa
Magundhek jagat
dhalem dhadha
Abu se
ngabber
Ekerbay
angen se asabung
Masompek
pekker
Mepetteng
mata
Macalemot
pangarep se raja
Nemor kara
Makerreng
songay tor sagara
Mapancet
somber e somor raja
Magarudhu’
bume
Marobbu
kajuan raja
Oreng-oreng
padha asare
Padha
ajaga
Ojan
gaggar nyapa sadaja
Ka lao’ saba
Ka dhaja
gunong
Ta’ daddi
bida
Tegar
akantha
Sagara
Gappora, 2015
.......................
Ojan Kabidan
Ondhem
asabung
Angen
agaluy
Guntor
aguludhuk
Ngabari pa’
tane se asandhang sarong
Redhu
dhateng
Sarong
epengkes
Salebbar
epalanjang
Landhu’ se
agantong
Ngabber ka
teggal
Sape se
arendhu
Epeccot
Eorak
Nyonggul
nanggala
Apoter
nyebbut asma
Allah
Pa’ tane
awirit
Metong
tasbi bai’na jagung
Gaggar gan
settong
Ka tana se
ampon ngandhung
Dhari bara’
ondhem
Dhari
temor ondhem
Pa’ tane
adikker
Sape-sape
perak nyambat
Amin..!
Gapora, Desember 2015
..............................
Ebu
Sabellun
pajjar ngombar
Sabellun
are asonar
Ajunan, ebu,
lekkas parekas
Ngaloskos
sapo’ e badan
Masodek
aba’
Maonga’ le’er
Mangabber
so’on
Mabutol
sambungan
Ebu,
mekkarra aba’ se ta’ kabilang
Ro’omma kananga
e pakarangan
Aropa’agi
lampa
Ngalecerra
aeng socana ajunan
Se sabban
bakto, sabban kasempadan
Agaluy arassa
pangeran
Sabellun
pajjar ngombar
Sabellun
are asonar
Ajunan
mella’
Araga
badan
Araga aba’
se melko’ e rahim
Duli toron
ka paddasan
Duli
ngadek kalaban sabbar
Sambi
nondhu’
Mator ka
pangeran kalaban
Jumambar
Gappora, Desember 2016
Bume
Odhi’ ta’ sakadar
e kamar
Ta’ sa
kadar e langgar
Pangeran
nyepta bume
Ta’ coma
soro tedhunge
Nape pole
coma ekemme’e
Soko ka’angguy
ajalan
Tanang
alembay
Mata
ngabas
Otek
apekker
Odhi’ ta’ sakadar
e kamar tor e langgar
Manossa
toron daddi panodan
Bume
edhardhar
Are
ngombar compet
Majunge
alam se terros alembay
Ngerbay
manossa kaangguy duli toron
Kalaban
landhu’ se nondhu’
Saka’ se
rekka’
Tojjuwan
nonggal
Ebada se
salanjangnga
Bume
ecepta
Manossa
akarsa
Banne
kaangguy ejuwal
Ponapa
pole ebuwang
Gappora, Desember 2016
Epetthek dhari Jawa Pos Radar Madura (JPRM) eccaban Ahad, 1 Januari 2017
Tidak ada komentar:
Posting Komentar