Du’a Tengnga Malem
Seppe e tengngana
malem
Se talempet e pokol settong
Magarudhuk
langnge’, molar agaggaran
aeng mata
Mabungkar sordhebba petteng
Lebat konco’
alessa junan, ebu
Malebbur rassana
ate
Se ampon
ekamempe
E pongkor malem se talebat
petteng
Kalaban
nespa tor kene’ rassa
Ajunan ngangka’
tanang
Ngarep dha’
Se Kobasa
Kasalamettan
Kajembaran
Tor kasuksesan
Kaangguy kaula,
ana’ na ajunan.
Reguler,Desember
2016
.......................................
Dhari Ebu
Dhari
tabu’
Dhari
samper
Dhari tatanot
Sampe’ ajalan.
Saengga abali
ka samper pole
Ajunan maraja kaula
Ajunan ajaga
kaula
Ajunan
ngajari kaula
Settong
barang ka barang
laenna
Dhari
settong lakon ka lakon laenna
Sampe’ bagus
tor juba’na
Sanget ekarassa
tor ta’ kera loppa
Kabellasan
Esto
Tor neserra ajunan
Se ta’ ngarep balessan.
Reguler,
Desember 2016
Pekker
Ana’ gaggar
ka somor
Tadha’
pekker
Ebu laju alonca’
Ebu gaggar
ka somor
Pekker dhukale
Ana’ alonca’,
otaba ngala’ tampar.
Reguler,
Desember 2016
Dhari: Puisi Madura Irwan Effendi*
Tidak ada komentar:
Posting Komentar