Rifky Raya
bila bula kare rengsa
salanjangnga seppe daddi kanca
jang-bajangan
se nyapsap e candhila
agiba angen nembara’
dhalem dhadha
seyang ban malem agundhek
ate
agabay careta kaelangan
se ta’ re-mare
bila bula kare rengsa
saabidda mata atotop ondhem
magaggar ojan e taneyanna badan
daddi tandha lokana badan
dhara ngalkal dhalem dhadha
terrossagi le sampe’
ka sagara
bila bula kare rengsa
tadha’
pole se bisa macellep rassa
salaenna dika;
bulan
se pon gaggar ka dhalem tana
dhu,
rengsa…
Guntong, 2015
Tidak ada komentar:
Posting Komentar