Hermanto
Nuris
Ngenom lembur ja’ acaca’an
Lem-malemma ngakan pentol
Kaula lebur sakanca’an
Bila malem lako apatrol
Badha kanca ngenom lembur
Mon ngenom ja’ acaca’an
Tore kanca padha palebur
Ja’ atokaran sakanca’an
Mare abuka ngenom lembur
Ngakan pentol kowa pentol
Sakanca’an padha palebur
Nabbu tongtong ban apatrol
Lem-malem ajuwal pentol
Dhalemma esse’e tellor
Tengnga malem kaula apatrol
Ajaga’anna reng asaor
Palappa baddhai kalasa
Ebagi bundu’ dalubang
Ja’ loppa bulan powasa
Bajeng ngaji ban abajang
Ka Giliyang ka Talaga
Pamolena lebat montora
Para’ seyang duli jaga
Le ta’ lambat se asaora
Dhateng apatrol
Tidak ada komentar:
Posting Komentar