(Cebbing Pancor)
Ke Mat Hasan kamalengan
Bi’ Enju apareksa’a
tellasan ta’ asalenan
kalambi se laju esassa’a
Ke Mat Hasan kamalengan
Bi’ Enju apareksa’a
tellasan ta’ asalenan
kalambi se laju esassa’a
(Syarif Hamid)
epateppa’a ma’ ekarassa
maske pandha’ badha konco’na
tekka'a anyar mon ta' esassa
manda’na baramma celo’na
epateppa’a ma’ ekarassa
maske pandha’ badha konco’na
tekka'a anyar mon ta' esassa
manda’na baramma celo’na
(Lukman Hakim AG.)
penter onggu magumbing kocor
melle manesan abarna pote
neser onggu Cebbing Pancor
are tellasan ta’ bisa mole
penter onggu magumbing kocor
melle manesan abarna pote
neser onggu Cebbing Pancor
are tellasan ta’ bisa mole
(Cebbing Pancor)
ngala’ pelle kona ke Asla
melle gunteng ka toko besse
tekka’ ta’ mole ta’ masala
se penting bannya’ pesse
ngala’ pelle kona ke Asla
melle gunteng ka toko besse
tekka’ ta’ mole ta’ masala
se penting bannya’ pesse
(Lukman Hakim AG.)
tarnya’ mate tadha’ dhaunna
temon sacokla’ epolonga
bannya’ pesse ta’ aguna
mon tellasan ta’ apolong ban reng towa
tarnya’ mate tadha’ dhaunna
temon sacokla’ epolonga
bannya’ pesse ta’ aguna
mon tellasan ta’ apolong ban reng towa
(Cebbing Pancor)
masang bubu mega’a ce’e
mon ce'ena ebelli Buk Essa
ambu ja’ lako koca’e
mon paggun eca’-koca’ana engko’ nangesa
masang bubu mega’a ce’e
mon ce'ena ebelli Buk Essa
ambu ja’ lako koca’e
mon paggun eca’-koca’ana engko’ nangesa
(Lukman Hakim AG.)
ecopae polana mele’
pakoko baddhana lemper
ekoca’e polana tang ale’
neko tandhana kaka’ se neser
ecopae polana mele’
pakoko baddhana lemper
ekoca’e polana tang ale’
neko tandhana kaka’ se neser
(Cebbing Pancor)
le-melleya epakon eppa’
tellor dadar epamera’a
kan ta’ mole polana buru napa’
malar mandar esapora’a
le-melleya epakon eppa’
tellor dadar epamera’a
kan ta’ mole polana buru napa’
malar mandar esapora’a
(Lukman Hakim AG.)
epamera mon tellorra
kaleng e kelang temmo tadha’
esapora mon polana
keng ekaelang mon tadha’
epamera mon tellorra
kaleng e kelang temmo tadha’
esapora mon polana
keng ekaelang mon tadha’
(Syarif Hamid)
Ka
Parsanga melle kaldhu
kaldhuna nompa, melle pole
serrena bula gi’ katondhu
maddha gellu’ gulingnga pole
kaldhuna nompa, melle pole
serrena bula gi’ katondhu
maddha gellu’ gulingnga pole
(Lukman
Hakim AG.)
kalare
nyeyor ondhung onggu
se ondhung ampo meltas
mare asaor ja’ tedhung gallu
se ondhung ampo meltas
mare asaor ja’ tedhung gallu
bila
kare tedhung ampo takethas
13-17
Juli 2015
(kim)
Syarif Hamid |
Lukman Hakim AG. |
Cebbing Pancor |
Tidak ada komentar:
Posting Komentar