Dika ban Bula Alerek Maba

Lukman Hakim AG., skc.

(Lukman Hakim AG)
ja' bur-nabur juko' bandeng
Juko' bandeng bannya' tolangnga
ja' bur-lebur ka reng gantheng
oreng gantheng bannya' otangnga

(Cebbing Pancor/Uswatun Hasanah)
mon bula nabura gi-bigi
songkop barna pa'-empa'
Dhu mon bula ta' lebur ka reng sogi
cokop ngeba se soko empa'

(Rahmat Fajar)
ngaremmet dhu karemena
balattangnga ro'-koro'an
caremmet dhu ka lakena
mantona ro'-toro'an Lukman

(Mohammad Toyu)
le-ollena pajat jajan dulban
bila eteggu' arassa budu
nyarena pajat nyare paraban
bila etenngu teppa' banine’ bandu

(Cebbing Pancor)
ka Jakarta apalesser
nompa'a bemo ka Plaza
dika ja' sala mon napser
soko empa' ganeko Avanza

(O'onks Teara Mata Hujan)
mon sere tantona jamo
dha' dhaja are Sattona
nyare lake gantheng tantona nemmo
keng me' ta' padha mon pangestona

(Mohammad Toyu)
ko’ong epeccek ban komak
komak epeccek tamba buja
O’onk alerek ka Rahmat
keng Rahmat alerek maba

(Rahmat Fajar)
ngala' pao nambi' damar
se ngarondhu' elerega
poko' tao dika ngala' samar
tekka’ nondhu' epetthega

(Mohammad Toyu)
juko’ ban-tamban epeccek
eompa' ngabi' sapereng
ja' ban-saromban alerek
me' teppa' ka binena oreng

(Rahmat Fajar)
ka bara' bara' arena
ka temor kolare nyangsang
kaberra' berra' atena
ngalemor ate seposang

(Mohammad Toyu)
jalabiya dhalem kasang
koko-koko mekkar beddeng
bariya lakar mon oreng posang
soko-soko ta' kellar manjeng

(Lukman Hakim AG)
panja’ mate etemmo baga
berka’ ka budhi ka balikeran
ja’ kose atemmo ka robana
gan enga’ daddi kapekkeran

(Cebbing Pancor)
arebba'a sate nga'-anga'
se paleng anga' gaggarra mardhana
mon ka robana ta' pate enga'
se enga' dila nyandhar ka dhadhana

(O'onks Teara Mata Hujan)
asalebbar acalana
gellas mera agambaran
bila ngalembar salerana
aeng mata agaggaran

(O'onks Teara Mata Hujan)
ma' terrona asabbu'a pote
sabbu' pandha' ponca lema
ce' terrona neggu'a pole
tao neggu' lamba' bula ta' narema

(O'onks Teara Mata Hujan)

ajemma ma’ soro saba'

pamaso' ka dhalem kandhang

parabanna ta' duli endha'

lamon dika ta' gellem nabang

(Rahmat Fajar)

juko' landha' pobuwi gula

ekasaora maeam tatampan

poko' endha' dika ka bula

elamara malem tellasan

(Cebbing Pancor)

melle jajan ka Pangarangan

perreng polo gabay paesan

se andhi' lajjan asasandhingan

reng-oreng jomblo atangesan

(Mohammad Toyu)

bi'-kombi'an dhalem petthe

petthena teppa' ka se lowa

kadibi'an agiba seppe

seppena polana ta' bisa mabacca

(Cebbing Pancor)

oreng ko'ong melle salebbar

perreng abulu nancep bungkana

monan  O’ong kodu pasabbar

oreng jomblo tancep du'ana

(Lukman Hakim AG.)

Bukong reya abarna biru

se ekalambiyana keng la laju

O'ong reya banne ta' paju

keng se abineya ta' gellem jujju

(Sipulan K. Langka)

Ka Mekkasan nyambi polo'
Kan berra' epekol salaja
Para' telasan maddha aoro'
Ma’ le ngora' cengkol-to'odda

(Khalil Tirta)

Tella' tella' tobi' tobi'

ngala' oto' ru-biruna

kala' kala' abi' abi'

poko' sengko' lu-delluna

(Lukman Hakim AG.)

jail mellar cabbur ka bume

temon sabaddha bundu’ kalambi

Khalil lakar ta’ lebur abine

mon badha saraju’ ekadibi’i

15-20 Juli 2015

(kim)

O'onks Teara Mata Hujan

Rahmat Fajar

Sipulan K. Langka

Cebbing Pancor/Uswaton Hasanah

Lukman Hakim AG.

Khalil Tirta

Mohammad Toyu