Kowasana Allah
Kabbi..
badha bates ban
bales
Man ya’mal mitsqaala dzarratin khairan yarah
Wa syarran yarah, liman ya’mal mitsqaala dzarratin syarran
Ban se kekal, tongggal gun Allah
Pas torot,
Mata are nyenare dunnya
Ban ojan nyerame gembangnga
Mano’ ngabber, ban juko’ alangngoy
Manossa?
Kabbi badha bates ban bales
Paggun neng kowasana Allah
”Daddi!” Pas daddi onggu!
Man ya’mal mitsqaala dzarratin khairan yarah
Wa syarran yarah, liman ya’mal mitsqaala dzarratin syarran
Ban se kekal, tongggal gun Allah
Pas torot,
Mata are nyenare dunnya
Ban ojan nyerame gembangnga
Mano’ ngabber, ban juko’ alangngoy
Manossa?
Kabbi badha bates ban bales
Paggun neng kowasana Allah
”Daddi!” Pas daddi onggu!
.........................................
Adan
Bila sowara adan lok-ologan
od-saodan, ngabantang ngalentase lalang
Aguncang mangetter ate
dha’ oreng se sadar bi’ jalan aslina
Adan ta’ kera ambu
ajalan e dunnya-Na
ta’ nyerra aserro lok-ngologan
gunna ngenga’e
ummat se kopennga kabukka’
ummat se kopennga kabukka’
2017
................................
Bajang
se Lema’
Sobbu…
Sadajana oreng katondhu
Tape sadajana oreng oneng
”Bajang lebbi bagus dhari tedhung”
Tok-ngantok, jaga demi sowarga
Ngawwali are, enga’ ka Ajunan.
Male gampang e arena nabang dunnyana
Mare ekolle aheradda
Sadajana oreng katondhu
Tape sadajana oreng oneng
”Bajang lebbi bagus dhari tedhung”
Tok-ngantok, jaga demi sowarga
Ngawwali are, enga’ ka Ajunan.
Male gampang e arena nabang dunnyana
Mare ekolle aheradda
Duhur…
Perengeddan dha’ sampeyan sadaja
Ja’ sampe’ aman-nyaman bi’ dunnya
Ja’ sampe’ loppa dha’ se andhi’ dunnya
Gun sakejja’
Gun amaen re-sareyan kennengngan aherat
Neraka apa sowarga?
Perengeddan dha’ sampeyan sadaja
Ja’ sampe’ aman-nyaman bi’ dunnya
Ja’ sampe’ loppa dha’ se andhi’ dunnya
Gun sakejja’
Gun amaen re-sareyan kennengngan aherat
Neraka apa sowarga?
Asar…
Ampon cokop orosan dunnyana
are pon tagellebba
Mole bang-sebang dha’ romana
Kompol nang-tennang bi’ kaluwarga
Ampon cokop orosan dunnyana
are pon tagellebba
Mole bang-sebang dha’ romana
Kompol nang-tennang bi’ kaluwarga
Magrib…
Ajam se ta’ andhi’ akkal pon aokep neng kandhangnga.
Baktona nyo’on sapora
atas lako saare
Ajam se ta’ andhi’ akkal pon aokep neng kandhangnga.
Baktona nyo’on sapora
atas lako saare
Isya’…
Batessa are
Lastare nyare dunnya
lastare nyare aherat
wes, tedhung gabay kalagguwanna
Abajang pole, alako pole
Se penting,
Ja’ sampe’ loppa dha’ se andhi’
Sadajana.
Batessa are
Lastare nyare dunnya
lastare nyare aherat
wes, tedhung gabay kalagguwanna
Abajang pole, alako pole
Se penting,
Ja’ sampe’ loppa dha’ se andhi’
Sadajana.
2017
............................
*)Lahir di Blega, Bangkalan pada 02 Mei
2001. Aktif di Sanggar Sastra Al-Amien Prenduan Sumenep.
(Epetthek dhari: Puisi Madura M. Zulfiyan Alamsyah)
Tidak ada komentar:
Posting Komentar