Pornama e Bulan Dzulhijjah

Misrawi Kawit

bunter sepa’, asonar mancar la teppa’, 
mapaddhang ate tabukka’.
bunter aoter, mancorong nyeser pekker mapenter.
bunter ateter,maserna sokma salenter.

pornama, 
pokpara naja’ malem sampe’ maperna.
lanjang asesse’ sonar mancar taresna.
ta’ nojjek loros ka tana.
daddina mecca antero dunnya.

pornama,
teppa’ tengnga-tengnga.
mengga’ antarana e dhimma-dhimma.
tadha’ ponca-bunto’na.
gaggar nyangsang e atena.

pornama,
rassa ta’ nemmo tandhinganna.
bintang nyonar lelep ta’ aguna.
apana se ekagabay kaagunganna.
kobassa ta’ meddhi’ kakobasa’anna.

pornama tadha’ laen nyamana.

dzulhijjah nendha Madina,
astana Ka’ba paseba’anna,
Makkah Almukarrama poserranna,
pornama dzulhijjah ban Ka’ba paddhang tandhana.

Asta Gumo’, 28 September 2015 pokol 21.00

*)Guru e sala settong sekola’an di Kacamadan Kalianget, Songennep.