Tajin Sappar

Sanja’na Azizi Sulung*

Teppa’ e tera’na bulan

Langnge’ asemmo sompek, sanajjan tera’na tar-kataran

Tase’ seppe, alempet omba’ kadibi’an

Oreng se e penggiran, la padha siyap naja’ parao kaangguy majang

Oreng tane agangse are’, mandhi landhu’, nambi’ rajang

_settong tojjuwan, nyare pangoreban_

Kaangguy ajaga kasalametan

Reng-oreng padha mundu’ tajin, ngobbar mennyan, epencar satatangga’an

sanajan sakone’ epadhang-mendhang

            _settong tojjuwan, ajaga nan-dinan ban kowatta ataretan_ 

Lamujang, 10 Sappar

*Santre Pondhuk Annuqayah Lubangsa Utara.

Epetthek dhari Jawa Pos Radar Madura (JPRM) eccaban Ahad, 4 Desember 2016.