Labang Pangobungan

Sanja’na Soe Marda Paranggana

1
talebat berra’ labang nyonggul kalambi gedda’
di-kadiya ambet cethak, nyo’on obu’ sajan gamba’

ngakarommong monyena omor
ngakaronnang bellana badan

mekkere tandhes karja

dhara panas derres
songay ngonjur neng e mata
bato karang bungkar
narema para’ leddu’a or kasamasteyan
ajalane odhi’. makompol
nyelo sangona pate

barga lobangnga kobur
moga legga’a
pagi’ tera’ maddhai aba’
se lakolako tasongkor ka dukaNa

2
labang akombi’ gan sakone’
esothok angen-angen taneyan

tadha’ se marenta
abu gunong nyerrang rowang
kata’ ngaseldung dhalem baruma. bilis mardha
abaris neter kolenang ngaremmot nyare kakan
:
pola aba’ se ekekke’,
keng esanggu ampon
nyarowap bau bathang

3
para’ seyang labang
akombi’ nyambibi’

2016