radarmadura.jawapos.com |
CARPAN MUDHAR
CH.
SABELLUN are ngoncar e
mongging temor, sonarra la nera’e alam. Ta’ onggu tera’.
Gi’ mar-samar mowa, cok-kaleccok mano’ para’ seyang. La
pa’kalena sateya Chici, pottre
sareyangnga Pa’ Camat, alari.
Pata
dhuratos meter jauna dhari bengkona, bis patas santa’ jurusan
Sorbaja dhari temor epaambu. Supirra ngerrim
dakkala. Motor ambu teppa’ e adha’na
Chici. Ta’
mekker lanjang pole, Chici
ongga ta’ le-toleyan. Ta’ ngeba ettas. E kasangnga gun badha
lumpet ban flashdisk. HP-na molae malemma se epate’e bakto
eeccas esaba’ e kasang treningnga se kacer.
”Turun
mana, Mbak?” kondektur atanya.
”Surabaya,
Pak,” Chici ajawab sambi ajulu pesse atosan ebu.
Karcis ebagi ka Chici
abareng soso’. Chici ta’ tong-bitongan pole. Pesse
duli epamaso’ ka kasang se kangan. Chici
ngerset ka semma’na kaca e penggir kangan. Korse
nomer tello’ e budina supir.
Chici
ngabas ju-kajuwan e penggir jalan. Pekkerra enga’ ka reng seppo dhuwa’na,
”Abdina sapora,” sowarana cekka’ e
rung-gerrungan. Nyoba’ ebaccae kalaban ngalodhu’ eber.
Paggun ta’ bisa. Mala arassa pae’.
Pae’na pakker, kettar, saebu kale lebbi pae’ dhari
memba.
Dhapa’
ka Sorbaja, Chici
toron ta’ nemmo tojjuwan. Kaangguy matennang aba’, Chici
nyewa kamar hotel. Ngala’ kellas se paleng modha sanajjan
pessena Chici bannya’. Pessena
korang lebbi salekor juta’an e ATM-ma. Tape
reng seppo dhuwa’na, otamana reng
seppo lake’na se paleng kowat ngajari ana’na kaangguy odhi’
sa-biyasa . Odhi’ apa
badhana.
Samalem
badha e hotel, gu-laggu mare abajang Sobbu,
Chici aromasa ta’ tennang. Pekkerra
ngalengsang. Aba’na kabater kabadha’anna ekataowe
ban reng seppona. HP-na paggun epate’e. Pajat mate gi’ ta’
eodhi’i pole. Chici
kalowar dhari kamar hotel entar ka counter melle kartu anyar. Kartu HP-na
eobai.
Samarena
melle kartu, aba’na duli abali pole ka hotel. Nelpon
kancana. ”Assalamualaikum, Dyta?”
”Waalaikum salam. Siapa ya?” Dyta atanya
sabab se maso’ nomer anyar.
”Saya Chici, Dyt.”
”Chici?”
Dyta gi’ ta’ parcaja.
”Iya, Dyt,” jawabba Chici
geddur.
”Chi, kamu gila ya. Sekarang kamu dimana?
Semalam ayahmu nelepon tanya kamu karena nggak pulang. Terus, aku bilang, ’nggak tahu, Om’. Ayahmu nggak percaya. Malah ia
mengancamku kalau aku menyembunyikan keberadaanmu. Mau nikah, kok malah kabur.
Kamu sekarang di mana, Chi?”
”Aku di Surabaya, Dyt,”
sowarana para’ ta’ ekaedhinga.
”Baik, Chi, sekarang aku jemput kamu.
Kamu tenangin dirimu di rumahku.”
”Aku bingung, Dyt. Tapi kalau kamu sudah
diancam ayah, semakin aku
tak mungkin datang ke rumahmu. Aku tak ingin melibatkanmu lebih jauh. Terima
kasih, Dyt, kamu adalah sahabatku yang terbaik. Cuma, tidak usah kau jemput
aku. Sampaikan salamku untuk ayah bundaku di Madura bahwa aku baik-baik saja.
Sampaikan juga, aku minta maaf. Nanti pada waktunya, kujelaskan semuanya.
Assalamualaikum.”
Dakkala
telponna epate’e. Chici ta’ aberri’ kasempadan ka
Dyta kaangguy acaca laenna pole. Dyta neng e bengkona gi’ lo-halowan tadha’
nyambidi. HP-na Dyta thut-cetthudan nandha’agi
ja’ oreng se nelpon la maambu otaba mapegga’ telponna.
Dyta
panasaran. Eli-bali aba’na nelpon ka nomer se gi’ buru maso’, nomer anyarra
Chici. Ta’ bisa, ”Telepon yang Anda tuju sedang berada di
luar jangkauan. Cobalah beberapa saat lagi!” Sowarana operator se ekaedhing Dyta e
kopengnga.
Paraban
Madura akole’ celleng seddha’ anyama Chici
kalowar dhari hotel. Kalambi se eangghuy paggun se ba’ari’, sabab
aba’na pajat ta’ ngeba salenan. Chici aromasa buto
salenan saengga kalowarra Chici dhari
hotel duli nojju ka pasar. Salaenna melle kalambi, ta’ loppa melle roko. Melle
ettas baddhana rang-barang.
Re-saarena
Chici odhi’ dhari
hotel ka hotel. Sanajjan banne hotel larang otaba
hotel abintang,
Chici bannya’ abi’na. Pessena Chici sajan korang gan sakone’. Aba’na ta’ bisa
mon saterrossa odhi’ mara jareya.
Chici nyajal alamar kalakowan.
Ijasa
aslina Chici pajat ta’ egiba. Tape
Chici la mare nye-scan
dokumen-dokumen se sakerana ekaparlo ban la esempen e dhalem
flashdisk. Lamaran kalakowan etojjuwagi ka
kantor-kantor parusaha’an swasta ban perbankan swasta keya.
Aba’na
ajauwi kantor pamarenta otaba bank nagara marga tako’ kabadha’anna
ekataowe reng seppo dhuwa’na. Reng seppo lake’na se daddi
camat tantona gampang e dhalem nyare tor alaca’ berta anglebadi
kantor pamarenta’an.
***
E
Madura, e bengkona Chici se raja, reng seppo bine’na molae kabater amarga molae
gu-laggu ra’-para seyang sampe’ para’ duhur ana’
sareyangnga se alari gi’ tadha’ dhateng.
Etelpon ta’ bisa. Esare ka dhi’-majadhi’na,
ka tatanggana, ka ca-kancana tadha’ Chici
ngalemba’. Etenggu lamarina kalambina ta’ lowang. Ijasana genna’.
”Dha’emma
ba’na, Na’? Mata’ neser ka Bunda, Chici?” Reng seppo bine’na Chici sambi
nanges. La-bala ban tatangga bannya’ dhateng.
Salaen kaangguy masteyagi berta elangnga Chici. Sabagiyan
pole pajat sangaja dhateng kaangguy maranta lampa
kabinna Chici kalaban bakalla se anyama Angga.
Bendher
ta’ sala, tello are aggi’ Chici bakal akabin. Tape
bakal pangantan bine’na sateya tadha’
e roma. Elang ta’ tao ja’ badha edhimma. Entar
dha’ emma? Ekeco’ sapa?
Salana apa? Elangnga Chici reya buru dhari roma otaba Chici reya
badha ngeco’.
Angga,
bakalla Chici se padha alako e kantor bank abendherragi
ja’ mon hubunganna ban Chici tadha’
pa-apa. Ta’ andhi’ masala. Mala, dhuare
sabellunna Chici elang, Angga la mare matao mas kabin se epenta Chici. Bakto
jareya, Chici senneng tadha’ nandhinge.
Pa’
Teguh, reng seppo lake’na Chici padha
bingong. Ana’na se tello are aggi’
bakal akabin, sateya elang. Elangnga ta’ jellas. Tape, mon elangnga Chici badha
ngeco’, eperkosa, ban laen-laenna?
”Na’udzubillahi mindzalik! Moga
ejauwagina, Guste!” Pak Teguh anyo’on ka Se
Kobasa, ”Lindungngagi ana’ abdina, salamettagi
budhu’ dalem, ya Allah...”
Samalem
benteng reng seppona Chici ta’ tareddep sakale ta’ nyeddha
tedhung. Beng-rebbeng se biyasana Pa’ Teguh
nata men-tamennan e pakarangan, sateya mele ju’-toju’ e korse e terassa romana.
Dhari dalem romana, se bine’ kalowar ajulu
telpon.
”Dhari
Dyta, Pa’.”
”Dyta?
Kemma?” Pa’ Teguh duli nampane HP-na pas etalpe’agi ka kopengnga se kacer.
”Om, ini Dyta, Om. Begini, Om…”
Dyta acareta kabadha’anna Chici. Dyta abala ja’ mon Chici
ta’ endha’ mon esoro neng e romana. Dyta madhapa’ keya salam songkem saporana Chici. ”Jadi, Om dan tante, doakan saja Chici
semoga ia baik-baik saja. Serahkan saja sama Yang Maha
Kuasa. Mungkin Om, ini yang terbaik buat Chici, buat Om sekeluarga juga.”
Koran e
mejana gi’ paggun aleppet tada’ reng mokka’. Pekkerra Pa’ Teguh abak tennang.
Pa’ Teguh abala ka se bine’ ja’ mon ana’na Chici enja’ ta’ ekeco’ oreng. Sateya
badha e Sorbaja keng ta’ endha’
mole ban ta’ endha’ entar ka romana Dyta.
***
”Dyt,
aku Chici.”
”Hey, Chi, gimana,
kamu sehat? Masih di Semarang?”
”Alhamdulillah, baik. Aku sekarang di
Bandung, Dyt, kerja di sini belum satu bulan, baru kurang lebih tiga minggu.”
”Kenapa pindah dari Semarang?”
”Di Semarang dua bulan kerja aku enggak dibayar.
Enggak tahulah, kabarnya perusahaan itu mau bangkrut. Mana uangku lima juta
dipinjam teman kost, orangnya menghilang.”
”Sebelum ke Semarang, waktu di Surabaya
sempat kerja, enggak?”
”Enggak, Dyt. Di Surabaya cuma dua minggu
langsung ke Semarang. Itu pun aku
tidak tenang. Takut ketahuan orang-orang ayah dan
Angga. Tabunganku habis, Dyt.”
”Habis, kamu pake kabur-kabur segala.
Kamu enggak bosen ni, hidup jauh dari orang tua tanpa keluarga?”
Chici
ta’ duli ajawab. Pekkeranna gan sakone’ ancor, agili akadi lilin
ekenneng panas. Dyta ngaedhing
Chici asergu, nanges. Chici molae arassa busen ban kerrong ka reng towa dhuwa’na.
Aba’na terro moleya keng tako’ ta’ etangga’ otaba ta’
etarema.
”Chi, kamu tahu? Meski tidak masuk rumah
sakit, kesehatan bundamu menurun.
Beliau cenderung tidak punya semangat. Sudahlah, Chi, pulanglah! Mereka tidak
butuh alasanmu. Mereka butuh kedatanganmu.”
***
Sabellunna
are ngoncar e mongging temor sonarra la nera’e alam. Ta’
onggu tera’. Gi’ mar-samar mowa cok-kaleccok mano’
para’ seyang, Pa’ Teguh mokka’ kontol labangnga
pagar. Pa’ Teguh ta’ aromasa ja’ dhari
jau badha oreng nyendhemmi,
nalektegi bukka’na pagar.
Naleka
Pa’ Teguh apolang nyaba’a kontol ban sorok ka terassa romana, oreng se molae
gella’ nyendhemmi duli berka’ mokka’
pagar laonan.
”Assalamualaikum,
Ayah!”
Sowarana sarat reng akoto’. Pa’ Teguh
abalik sakalengadha’, ngejjit tor takerjat.
”Chici? Waalaikum salam... dhateng
ba’na, Bing? Alhamdulillah,” Pa’ Teguh arekkeppa ana’na, tape
Chici nyorot, tanangnga nola’ ta’ magi. Ta’ endha’
erekkep.
”Ayah, sateya
baktona tao, arapa Chici ma’ nyengga dhari dhinna’.”
”Chici,
ta’ osa, Na’. Ayah la asokkor ba’na mole.”
”Enja’,
Yah. Ayah se ngajari, adhidhi’,
ban masakola Chici kantos sarjana kaangguy bisa abida’agi se juba’ ban se becce’.
Kaangguy ngataowe se celleng balurik ban se pote. Nyatana, Yah, Angga reya gun
gantheng robana, tape celleng balurik atena.
Chici reya teppa’ ka se lopot. Najjan Chici la abit apacaran
terros ka abakalan bi’ Angga. Nyatana Angga banne lalake’ pa’-teppa’. Angga
bur-leburan bi’ reng bine laen. Angga
senneng amaen babine’.
Mangkana
Chici nyengla. Nomer dhuwa’, saare sabellunna Chici nyengga,
Chici eolok pimpinan maso’ ka ruang
pimpinan. Saellana Chici toju’, Pa’ Ridlo pas abala ja’ mon Angga ngenjama
pesse ka bank kalaban bi-nyambi nyamana ayah. Mon Angga akabin bi’ Chici, cecelanna
pas daddi tanggunganna kalowargana Pa’ Teguh. Angga korang ajar. Se dhi-budhi,
Yah...” Chici magi korran
ka reng towana.
”Apa
se dhi-budhi, Na’?”
Bundana o-tao nyambung ta’ ekataowe se kadhuwa ja’
molae gella’ se ngedhingngagi.
Reng kadhuwa
padha atole. Chici mesem, Bunda-na mesem keya sambi ngaremmeng aeng
mata.
”Ayah, Bunda, Angga
etangkep ngeco’ motor e Sorbaja ban e dhalem
motor keco’anna aesse narkoba. Angga ngangguy ban ajuwal narkoba.”
Etangkebba
Angga dhalem kasus narkoba daddi berta otama e
lembaran korran se dha’-adha’.
Reng katello saleng rekkep padha asokkor ka Se
Maha Agung. Chici salamet. Kalowargana Pa’ Teguh sala settong camat e Madura
jugan salamet. (*)
Bahari,
11 Mei 2016
*)Guru e Ma’had
Al Ittihad Al Islami (MII) Camplong tor SMAN 4 Sampang.
Epetthek dhari: Teppa' ka se Lopot
Tidak ada komentar:
Posting Komentar