Nemor
Nemor
nonto matarbuka ate bula
Kaangguy
ngamba’ barat
Adhing-sandhing
kalaban dika
Sabab
sampornana badanna Adam
Kalaban
asalengka’na odhi’na Hawa
Tarate,
2016
……………
Dirakat
Ker-tanongker
dhimma bara’ dhimma temor
Gu’-onggu’an
Aromat
badanna dhari babastowan
Magerrang
badan, kaangguy pojiyan
Pa’polo
settong are abidda
Bula
nyandhang rassa nyelo
Pa’polo
settong are
Ta’
daddi panenggun
Tor
tatenggun
Ganebba
pa’polo settong are
Nandha’agi
panyambadan
Nyama
anyar
Aher
dhari careta
Dirakat
badan
Tarate,
2016
………………
Lenta
Tana
Esepsep
Nyerga’
bau ames, accen campor antem
Asarendhemman
neng padduna lorong
Amonye
keng ta’ alonglong
Namong
rassa ekapeddi
Bettes
tempong, menangka dika angkara
Dha’
dunnya se ta’ nyata
Tarate,
2016
…………………
Jaraba’
Bato
Jaraba’
bato neng babana bibirra dika
Ngancae
tae lala’
Maramme,
Kaangguy
jumambarra ate
Jaraba’
bato neng babana bibirra dika
Manyettong
rassa dhalem taresna
Malanjang
careta
Majumambar
ate
Merres
pekkeran
Kalaban
along-polong abareng dika
Tarate,
2016
Akuliya e STITA Sumenep, ajar e Langgar Oretan
(Laor), Lembaga Santri Akrif (LSA) Candra, ban UKM Komunitas PELAR.
Epetthek dhari: Puisi-Puisi Berbahasa Madura Karya Uswatun Syarifah*
Tidak ada komentar:
Posting Komentar