Songkem

;K.H.A. Hamidi Hasan

Anggidan Azizi Sulung

Saellana langnge’ biru asapo’ ondhem celleng; calemodan

Agabay pangarebba ate, sakejja’aggi’ bakal toron ojan

Nalekana angen amosse’ ta’ nanto

Ondhem panas ta’ kennal bakto

Oreng tane kabbi ngoca’; aneka nemor kara se manyangsara

Lebbi dhalem arassa’agi nemorra ate

Nalekana edina’agi pajungnga bume

Akhlak ampon ta’ kaurus

Tor kadhang aba’ loppa dha’ todhus

Ana’ poto loppa oreng seppo

Atatangga ampon kaelangan pangesto

Saellana langnge’ biru asapo’ ondhem celleng; calemodan

Hormadda santre dha’ guru ampon kabuwang

Hormadda manto dha’ mattowa ampon edinggal

Ja’ sampe’ pangestona ate dha’ Se Kobasa noro’ taelang.

Nirmala, 2015

Sanja' eattas epetthek dhari Jawa Pos Radar Madura eccaban Ahad, 11 Oktober 2015.