Syi’ir Pajurung Poteran
Gulungan omba’ mokka’ careta
Sampan se eamba’ maloros pancerra
Agandhu’ careta se ce’ ngennessa
Omba’ ngadabbur atabuyan
Notobi beddhi se kaemmasan
Madhatang angen ngalesser maso’ ka
pekkeran
Sagara ampon tekka elajari
Saengga maelang sossana ate se jerri
Agabay bungana ate sadajana bindari
Tampar se ale’le’ lebat pangkon
Anapkae ana’-bine ta’ kalaban pakon
Abantal omba’ asapo’ angen sabban taon
Nespana odhi’ ta’ cara oreng Karaton
Se sabban are lako adha’ar nase’ rawon
Ampon amolae angen se ngalesser
Nyerrop dha’ tanang se maongga pancer
Nare’ ponar
se molae gella’ alekker
Matanyeng pekkeran
se ampon lamba’ kerker
Are molae ngerrem
Tandhana bakto para’ malem
Asareng syi’ir se ampon nyellem.
Battangan,
2017
......................
E Tase’ Galise’
Andhang ngenom se nare’ rassa terro
Aperro ekonco’na tase’ se ampon seppo
Baktona parao eanyo’ omba’ lekko
Battangan,2017
....................
Semmar Mesem
Bakto ampon maso’ tengnga malem
Asareng ate se ampon kasemsem
Napa teppa’ samangken baktona Semmar
Mesem?
Pornama ampon nengga’
Asareng mal-amalan se ce’ ro’omma
Maelang angko daddi taresna
”Semmar
mesem tanges macan pote
Alongguwa kadinggara
Ayo’ nanges-nanges onggu atena
Semmar mesem, semmar longgu
Tekka mesem,tekka onggu”
Bibirra mesem
Atena mesem
Sapa se ta’ mesemma
Mon ecapo’ semmar mesem.
Battangan,
2017
.......................
Rama, Ebu, Kombang, Bula Kerrong
”Dhu
angen…
Dhapa’agi
Salam
kerrong
Dhari bula,
Salam
dha’ rama tor ebu
Jugan
dha’ Disa Kombang”
Sanja’na bula berri’ labang
Molae lamba’ se nyare lobang
Dha’ Disa
Kombang se ngambang
Dhu, Rama..
Sanja’ ngabber kalaban bangbang
Mano’ daddali aleyot kaangguy nabang
Apanggi bidaddari se ngangguy salendhang
Kalaban atembang e attasanna mano’
dhangdhang
Dhu, Ebu…
Aba’ nangale are ekonco’ dhaunna geddhang
Kalaban sonar se ta’pate paddhang
Polana are gi’ buru nyarandhang
Dhu, Kombang…
Bula alajar kalaban sampan sengambang
Banne alajar karana obang
Nyare ma’nana odhi’ se gi’ ta’ paddhang
Neng e Battangan kaula nemmo bukka’na
labang.
Battangan,2017
......................
Adhante’ Oreng Galise’
Kalaban
ngabas jennengnga aeng tase’
Asareng
potena beddhi se asesse’
Le’, dika molae gella’ se edhante’
Selabakto
ampon salokke’
Ngabas
daddali se ale’-pale’
E
attas ondhem se rese’
Samoga
ate ta’ daddi sake’
Akantha
pangaterro se ecapo’ kepe’
Epetthek dhari: Puisi Madura Khalil Zafra*
Tidak ada komentar:
Posting Komentar