E Bakto Taresna
E bakto malem sambi mesem
Bula mekker dika, Le’
Dhari petengka’na, palambayya, ban gulina bulu keja’na
Dika se ngombar e adha’na mata
Akantha sonarra bulan
Dika se raddin
Se earep sabban bakto
Dhalem pettengnga malem e reba’anna ondhem
Bula ta’ ngeddha tedhung
Angen asemmo cellep
Ngalesser madhapa’ taresna
Amarga pamesemma
Bula terro atemmua
Songennep, 27
Pebruari 2017
...........................
Molong Sere
Entar ka saba sabban are
Entar ka saba molong sere
Pamolena ngala’ kadhungdhung
Dhapa’ ka emba ajam nembung
Are la beddhuk
Baktona laot ban asambajang
Ngadhep ka se settong
Me’ pas jau dhari thong-penthong
Marena pas ajuwal sere
Abareng kanca sabban are
Ta’ bu-ambu bula ngabas
Sere se daddi sagara dhalem ate
Songgennep, 27
Pebruari 2017
Epetthek dhari: Puisi Madura Nurul Saifa Abdillah
Tidak ada komentar:
Posting Komentar