Anggidan Lukman Hakim AG.
ma, enga’ dha’
tokol, pa’a’, petthel, gargaji, jidal, sepat, centhong, kaloso’, salasar,
bor, pathel, obeng aracek obang. dhari bato semmen, tattaen, bubuk, tana taba beddhi daddi lolo lena leca’ taba rola’. dhari soko soka’
sake seka’ seko erreng koko, osok, salodur, lama’na genteng taba asbis. adek labang potong candhila. dhari (salonjhur) perreng epoger togel daddi tongga’, patthok, carang perreng pangonco’an,
carokcogan amata soca, aona’-adhadhar.
ma, odhi’ dhari egandhu’, rembi’, baji’, epagentang abali’, napang, jaga toju’, arangka’, agarsot neter atengka’, ajalan berka’ alorju’ daddi na’-kana’ lajang lanceng paraban dibasa towa, kae-nyae, ju’-enju’, engkong agung (mon ta’ bajang, econgngap pasthe) asandhakep olo dhaja e lencak gadebbung bungkol, apandhi babur, ekaloskose tanges abareng guntenganna ketthok sekot tello lapes rambing
pote dhalem rangka kasorang nojjune dhingdhing are, atora taccerra dhuwa’ acer
onjur-olona.
ma, mangkat
dhari alip, ba’, ta’, tsa’ jim, ha’ etotop neng iya’ daddi oca’. Oca’ daddi ora’. ora’ daddi okara. okara daddi paraggrap. bait dhakop sorat, berta, opini,
cerpen, esai, puisi, novel, artikel daddi bundu’na kacang e malem mingguwan. dhari petteha,
qulhu, tahlil, sarwa, diba’, yasin, tobat etompo’ daddi pate : lo’-tello’, to’-petto’, pa’ polo, nyatos,
nyataon, nyaebu, etotop e holan (kadhang) ta’ lopot ekasapo’ aba’ dibi’, samangken, dhaggi’, pagi’, otaba sakejja’aggi’.
: emot ta’ bakal abit
2008/2012
Tidak ada komentar:
Posting Komentar