Anggidan Lukman Hakim AG.
na’-kana’ se agulur gi’ dullu menta tenggar ba’ari’
abali ka gindhu’anna reng towa kalaban ngeba
sagundhung partobadan saebu aksara ta’ aharkat
salaen papaten adhates kasra.
dhumalemmanna, agulung careta didinan settong pangka
ka pergi-pergi alampat dina gi’-gigi’na na’-kana’
alebun daddi tabun, abengko dhari kopeng mata
se topo, pengko, jugan dhari pekker se salekko.
pas bila obana buko, nyare, cengkang, kelan
ban dheppa
mon gi’ paggun ngokor omor, maske dhalemma anengke’an
dhari somor,
banne se tanto.
gi’ epapagguna taretan amoso palotan
setan lencak acangga batton
otaba garebbil dhari tatepo
ma’ akkal aliyu’ bilu’ padhana bellu’
daddiya sodek padhana adek.
2008/2012
Tidak ada komentar:
Posting Komentar