 |
| A. Rahem Umar |
Asrena malathe pote
Kembang ro’om maparjuga ate
Mangombar labang pamerte
Maelang posang ate se ta’ ngarte
Dhu, Oba’, dhu, Paman
Nyergu’ bauna akadi nyeyom Pottre Koneng
Ebu socce apajung Allah
Asapo’ Muhammad
Kembang malathe pote
Ebibit etamenna e penggir ate
Bila are moncar
Eatorragi dha’ bala tangga
Bila nemor kara
Ate rassa rekong tasangsang
Kembang malathe pote
Gaggar samalem sadu’ur
Ya Allah irhamna jami’an
Warzuqna rizqan wasi’an
Songennep, 280608
Sanja' eattas epetthek dhari Jawa Pos Radar Madura (JPRM) eccaban Ahad, 8 November 2015.
Tidak ada komentar:
Posting Komentar