Ko-Mangako

Hesbullah Majnun

saampona oneng
bunga ate reya
bulan ngombar kalaban tera’na
pangarep tor parnyo’onan
seyang malem
nyapcap aeng mata

lema taon langkong abidda
ngantos kembangnga sere penang
se daddi talena sabbar
e sakola’an bisa maca ketab
dhari kene’ sampe’ raja
ekenyem pangarteyanna

sanonto daddi pokparana
oreng se penter sadajana,
pasera se oneng?
kabbi epatoro’
aba’ ko-mangako
sadajana elompa’ napso