Budi Santoso* |
kelbu’na
ate se ampon jekjek akaballu
mapaddhang
pangarep se ampon nyongkem
pekker
aranca’ ta’ abungka
orem
ta’ akalema
maleplep!
nampe
kaodhi’an se asandhang laep
atabi’
mellas badan kaula, Guste!
pangara-pengaro
paggun ta’ makocak kalenanganna ate
kejung
angling sapolo aseyol kangan-kacer
tandang
gambu marengsa kampong mabanga’ kopeng
mamernong
roba
sanajjan bat-lebadan
ta’ metto are
alangngoya ta’ mabiya
mator
sahadat kasanga
manemora kene’na nyan-mennyanan.
kalaban tera’na
damar kambang se esakseyagi kalambi pote
maantengnga
pangaterro se ampon ajamang
Daso’,
11 April 2014
*)Oneng ajar e STKIP
PGRI Sumenep. Ngajar e MTs Mambaul Ulum Jaba'an, Mandhing, Sumenep.
(Sanja' e attas epetthek dhari Jawa Pos Radar Madura eccaban Satto, 8 Agustus 2015)
Tidak ada komentar:
Posting Komentar