Tahlilan Malem
Juma’at
Laaaaaaaaailaaaahaillallah
Muhammadurrasulullah
Reng-oreng
padha maten
Asela
e teras se alengleng
Toju’na masengek dha’
atena
Kalaban
hoso’ ka Pangeranna
Sowara-sowara ampon ramme
Dhapa’ rassana dha’ tojjuwan se esare
Saenggana gulina ate
Ngeba dha’ aeng mata se gaggar ta etangale
Musolla.2017
...................................
Rebbu Bekkasan
Nase’ sapereng se esambi reng-oreng
Etompange juko se reng-mereng
Kaangguy
nebbus musiba
Ban dusa-dusa se talebat raja
Sadaja
oreng
Bara’ ban temor alengleng
Kaangguy macampo tanang
Etoro’e baca’an pamoji
dha’ pangeran
Sossa ban bunga etarema
Kalaban estona ate se samporna
Gaggar rassana aeng mata
Se agili ta’ ekarassa
Reguler.2017
......................
Sorat Malem
Dhari mesemma dika se nyelket e bulan Rasol
Econgke’ kalaban bakto se ngocol
Areya paleng settong tandha
Dhari estona bula se
tagudha
Eng-aeng
agiliyan e penggirra kasta
Macellep
dha’ bunggella ate se la talka
Percoma
dika mesem taker sorem
Tape
sorat malem alarlar paggun petteng
Reguler.2017
......................
Bikan Gi
Ta’ cinta
Keng terro apolonga
Ta’ kerrong
Keng terro tatemmowa
Posang-posang ngalengsang
Se
mapetteng dha’ pekkeran
El-wayro
...............................
E Babana
Laggu
Paleng
laggu reya
Se
bakal elang dhalem kaodhi’an
Karna
mesem-mesem ramme
Abarengnge mano’ se amonye
Se ka’dhimma, are ngombar dhari
temor
Ajagai
kembang-kembang se aguli
Sakabbinna
dhaun padha bacca
Ngasak
dha’ karena nemor se acangka
Angen
asalembuwan
Cellep
rassana e reba’an
Ngeba kakerrongan
Se
ta’ maddha dhalem kaodhi’an
Regular.2017
....................
Babine’
se Nyorne’
E
bannya’na dhadhaunan se aguli
Dika ngombar dhari candhila biru
Ngabassagi mano’ se ta’ gellem buru
Sabban
arena dika lako kaburu
Malengos
e dhalem tera’na laggu
Saenggana,
mesem ban gella’na
Ta’
mapaste dha’ bula
se taresna
Karna sonarra mowana
Maposang odhi se ta’ aguna
Reguler.2017
..............................
Asango Sossa
Dhari takdir se alampet
Se maburung dha’ pangarep
Lakar kodu pasra
Maske odhi’ asango sossa
Karna dhari gulina dika pon ta’ mana
Kaangguy
mesem se samporna.
Reguler.2017
................................
Epetthek dhari Jawa Pos Radar Madura (JPRM) eccaban Ahad, 31
Desember 2017.
Tidak ada komentar:
Posting Komentar